VASTELAOVESVEREINIGING "DE WINDJBUUJELS"

Vastelaovesvereiniging De Windjbuujels organiseert al jaore lang de vastelaovend in 't Windjbuujelriek. 't hiele jaor door zien ós vriewilligers actief mèt de organisatie van ós evenemente; (jeug)prinsebal, zittinge, liedjesaovend en de boerebroelof. Mer ouch de vastelaovesmis, de kinjer- en groeëte optoch. Jongk en aad duit mèt!

"Veur make deze vastelaovend!"

Mèt Rabo ClubSupport blieve veur bouwe aan de toekomst van de vastelaovend

Ons doel

De opbrings van Rabo ClubSupport gebroeke veur veur ós 7x11-jäörig jubileum - Boetegewuuen sjiek!
Veur dit biezonjere moment organisere veur activiteiten veur 't dörp, 'n programma en belaeving veur alle doelgroepe en alle laeftieje. Mèt dees sjteun make veur d'r 'ne onvergaetelijke vastelaovend van in ós Windjbuujelriek in 2028